நீங்கள் தேடியது "கியா இந்தியா"

கியா இந்தியா நிறுவனம் 2023 EV6 மாடல் விலை விவரங்களை அறிவித்து இருக்கிறது. புதிய 2023 கியா EV6 GT லைன் மாடலின் விலை ரூ. 60 லட்சத்து 95 ஆயிரம் என துவங்குகிறது. இதன் GT லைன் AWD வேரியண்ட் விலை ரூ. 65 லட்சத்து 95 ஆயிரம் என விலை நிர்ணயம் செய்யப்பட்டு உள்ளது. புதிய EV6 மாடலுக்கான முன்பதிவு ஏப்ரல் 15 ஆம் தேதி துவங்குகிறது.

கடந்த ஆண்டு ஜூன் மாத வாக்கில் அறிமுகம் செய்யப்பட்ட கியா EV6 மாடலின் விலை ரூ. 59 லட்சத்து 95 ஆயிரம் என நிர்ணயம் செய்யப்பட்டு இருந்தது. இந்தியாவில் விற்பனைக்கு வந்திருக்கும் EV6 காரின் இரண்டாம் கட்ட யூனிட்கள் இவை ஆகும். தற்போது எத்தனை யூனிட்கள் முன்பதிவு செய்யலாம் என்பதற்கு எவ்வித கட்டுப்பாடுகளும் இல்லை.

முதலில் முன்பதிவு செய்யும் சிலருக்கு சிறப்பு சலுகைகள் அறிவிக்கப்படும் என கியா நிறுவனம் அறிவித்து இருக்கிறது. "விற்பனை மையங்கள் எண்ணிக்கையை அதிகப்படுத்தி, சந்தையில் வாடிக்கையாளர்கள் பிரீமியம் காரை வாங்குவதை உறுதிப்படுத்துவதில் அதிக கவனம் செலுத்த இருக்கிறோம்," என்று கியா இந்தியா நிர்வாக இயக்குனர் மற்றும் தலைமை செயல் அதிகாரி டே-ஜின் பார்க் தெரிவித்தார்.

இந்தியாவில் அறிமுகம் செய்யப்பட்டதில் இருந்து கியா நிறுவனம் நாடு முழுக்க 432 EV6 யூனிட்களை விற்பனை செய்து இருக்கிறது. இது கியா நிறுவனம் ஏற்கனவே திட்டமிட்டதை விட நான்கு மடங்கு அதிகம் ஆகும். தட்டுப்பாடை தக்கவைத்துக் கொள்ள கியா நிறுவனம் 12 நகரங்களில் செயல்பட்டு வரும் 15 விற்பனை மையங்கள் எண்ணிக்கையை 44 நகரங்களில் 60 விற்பனை மையங்களாக அதிகப்படுத்த இருக்கிறது.

இதுதவிர அனைத்து விற்பனை மையங்களிலும் 150 கிலோவாட் அதிவேக சார்ஜர் இன்ஸ்டால் செய்ய கியா திட்டமிட்டுள்ளது. கடந்த ஆண்டு ஜூலை மாத வாக்கில் கியா நிறுவனத்தின் முதல் 150 கிலோவாட் சார்ஜர் இன்ஸ்டால் செய்யப்பட்டது. இதைத் தொடர்ந்து 240 கிலோவாட் டிசி ஃபாஸ்ட் சார்ஜர் கடந்த ஆண்டு ஆகஸ்ட் மாத வாக்கில் இன்ஸ்டால் செய்யப்பட்டது.

கியா EV9 கான்செப்ட்-ஐ தொடர்ந்து கியா நிறுவனம் தனது மூன்றாவது எலெக்ட்ரிக் வாகன கான்செப்ட் மாடலை அறிமுகம் செய்து இருக்கிறது. கியா EV5 என அழைக்கப்படும் புதிய கான்செப்ட் மாடல் ஃபிளாக்ஷிப் EV9 மாடலின் கீழ் நிலைநிறுத்தப்பட்டு இருக்கிறது. புதிய EV5 மாடலும் EV9 போன்ற டிசைன் கொண்டிருக்கும் என தெரிகிறது.

புதிய EV5 கான்செப்ட் மாடலின் தொழில்நுட்ப அம்சங்கள் பற்றி இதுவரை எந்த தகவலும் இல்லை. எனினும், இது சீனாவில் இந்த ஆண்டு விற்பனைக்கு வரும் என்றும் சர்வதேச சந்தையில் 2024 வாக்கில் அறிமுகம் செய்யப்பட உள்ளது. EV5 மாடல் டிஜிட்டல் டைகர் ஃபேஸ் மற்றும் க்ளோஸ்டு-ஆஃப் முன்புறம், ஸ்ப்லிட் ஹெட்லேம்ப் செட்டப் கொண்டிருக்கிறது.

பக்கவாட்டில் EV5 மாடலில் 21 இன்ச் ஏரோடைனமிக் வீல்கள், ஃபிளஷ் ஃபிட் டோர் ஹேண்டில்கள், தடிமனான பிளாஸ்டிக் கிலாடிங், கிரீஸ்களை கொண்டுள்ளது. பின்புறம் இந்த கார் EV9-ஐ விட வித்தியாசமாக காட்சியளிக்கிறது. EV5 மாடலில் லோ-செட் எல்இடி டெயில் லேம்ப்கள், பம்ப்பரில் பெரிய ஸ்கிட் பிளேட் மற்றும் ஸ்பாயிலர் இடம்பெற்று இருக்கிறது.

உள்புறம் சதுரங்க வடிவம் கொண்ட ஸ்டீரிங் வீல், டிஜிட்டல் இன்ஸ்ட்ரூமெண்ட் கிளஸ்டர், பெரிய டச் ஸ்கிரீன் இன்ஃபோடெயின்மெண்ட் சிஸ்டம் உள்ளது. கியா EV5 மாடலில் சுழலும் வகையான இருக்கைகள், ரியர் ஹிஞ்ச் டோர்கள் வழங்கப்பட்டுள்ளன. இந்த காரில் உள்ள ஃபுல் லென்த் பானரோமிக் சன்ரூஃப் சூரிய தகடு போன்று செயல்படுகிறது.

இந்திய சந்தையில் கியா நிறுவனம் EV6 மாடலை மட்டுமே விற்பனை செய்து வருகிறது. அந்த வரிசையில் EV5 மற்றும் EV9 மாடல்கள் இந்தியாவில் அறிமுகம் செய்யப்படுமா என்பது கேள்விக்குறியாகவே உள்ளது.

கியா நிறுவனம் இந்திய சந்தையில் தனது சொனெட் மாடலை அப்டேட் செய்து இருக்கிறது. புதிய கியா சொனெட் விலை ரூ. 7 லட்சத்து 79 ஆயிரம் என துவங்கி அதிகபட்சம் ரூ. 13 லட்சத்து 09 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இந்த எஸ்யுவி-யில் தற்போது வழங்கப்பட்டு இருக்கும் என்ஜின்கள் RDE மற்றும் பிஎஸ்6 2 விதிகளுக்கு பொருந்தும் வகையில் உருவாக்கப்பட்டு இருக்கிறது. புதிய மேம்பட்ட சொனெட் மாடலின் விலை அதன் முந்தைய வெர்ஷனை விட ரூ. 50 ஆயிரம் வரை அதிகரித்துள்ளது. விலை உயர்வுக்கு ஏற்ப 2023 மாடலில் புதிய அம்சங்கள் வழங்கப்பட்டுள்ளன.

2023 கியா சொனெட் மாடலின் அனைத்து வேரியண்ட்களிலும் ஐடில் ஸ்டார்ட் / ஸ்டாப் தொழில்நுட்பம் வழங்கப்பட்டு இருக்கிறது. இவை தவிர புதிய மாடலிலும் 10.25 இன்ச் டச் ஸ்கிரீன் இன்ஃபோடெயின்மெண்ட் ஸ்கிரீன், நேவிகேஷன், 4.2 இன்ச் கலர் இன்ஸ்ட்ரூமெண்ட் கிளஸ்டர், வெண்டிலேட் செய்யப்பட்ட முன்புற இருக்கைகள், போஸ் பிரீமியம் சவுண்ட் சிஸ்டம், எல்இடி மூட் லைட்கள், டர்போ DCT வெர்ஷன்களில் பேடில் ஷிப்டர்கள் வழங்கப்படுகின்றன.

2023 கியா சொனெட் மாடலில் பிஎஸ்6 2 விதிகளுக்கு பொருந்தும் 1.2 லிட்டர் NA பெட்ரோல் என்ஜின் வழங்கப்பட்டு இருக்கிறது. இத்துடன் 5 ஸ்பீடு மேனுவல் டிரான்ஸ்மிஷன், 1.0 லிட்டர் டர்போ பெட்ரோல் என்ஜின் மற்றும் 6 ஸ்பீடு iMT அல்லது 7 ஸ்பீடு DCT டிரான்ஸ்மிஷன், 1.5 லிட்டர் டீசல் என்ஜின் மற்றும் 6 ஸ்பீடு ஆட்டோமேடிக் அல்லது 6 ஸ்பீடு iMT கியர்பாக்ஸ் வழங்கப்படுகிறது.

கியா இந்தியா நிறுவனம் 2023 செல்டோஸ் மாடலை இந்திய சந்தையில் அறிமுகம் செய்து இருக்கிறது. புதிய 2023 கியா செல்டோஸ் மாடலின் விலை ரூ. 10 லட்சத்து 89 ஆயிரம் என துவங்குகிறது. இதன் டாப் எண்ட் மாடல் விலை ரூ. 19 லட்சத்து 65 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய மிட்சைஸ் எஸ்யுவி மாடலின் விலை அதன் முந்தைய வெர்ஷனை விட ரூ. 20 ஆயிரத்தில் இருந்து ரூ. 50 ஆயிரம் வரை அதிகரித்து இருக்கிறது. புதிய மாடல்களின் என்ஜின்கள் RDE மற்றும் E20 புகை விதிகளுக்கு ஏற்ப அப்டேட் செய்யப்பட்டு உள்ளது. கடுமையான புகை விதிகள் காரணமாக செல்டோஸ் மாடலில் வழங்கப்பட்டு வந்த 1.4 லிட்டர் டர்போ பெட்ரோல் என்ஜின் நீக்கப்பட்டு இருக்கிறது.

இதுதவிர புதிய செல்டோஸ் மாடலில் 1.5 லிட்டர் NA நான்கு சிலிண்டர்கள் கொண்ட பெட்ரோல், 1.5 லிட்டர் டர்போ டீசல் என்ஜின்கள் ஆப்ஷனாக வழங்கப்படுகிறது. இவற்றில் பெட்ரோல் என்ஜின் 115 பிஎஸ் பவர், 144 நியூட்டன் மீட்டர் டார்க் இழுவிசையை வெளிப்படுத்துகிறது. 1.5 லிட்டர் டர்போ டீசல் என்ஜின் 116 பிஎஸ் பவர், 250 நியூட்டன் மீட்டர் டார்க் இழுவிசையை வெளிப்படுத்துகிறது.

வரும் மாதங்களில் இந்த காரில் முற்றிலும் புதிய 1.5 லிட்டர் டர்போ பெட்ரோல் என்ஜின் வழங்கப்படும் என தெரிகிறது. இந்த என்ஜின் 160 பிஎஸ் பவர், 253 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கும். இந்த என்ஜின் ஏற்கனவே கியா கரென்ஸ் மற்றும் ஹூண்டாய் அல்கசார் போன்ற மாடல்களில் வழங்கப்பட்டு இருக்கிறது.

விலை விவரங்கள்:

2023 கியா செல்டோஸ் HTE 1.5 லிட்டர் டீசல் MT ரூ. 12 லட்சத்து 39 ஆயிரம்

2023 கியா செல்டோஸ் HTK 1.5 லிட்டர் டீசல் MT ரூ. 13 லட்சத்து 69 ஆயிரம்

2023 கியா செல்டோஸ் HTK+ 1.5 லிட்டர் டீசல் MT ரூ. 15 லட்சத்து 2 ஆயிரம்

2023 கியா செல்டோஸ் HTX 1.5 லிட்டர் டீசல் MT ரூ. 16 லட்சத்து 59 ஆயிரம்

2023 கியா செல்டோஸ் HTX+ 1.5 லிட்டர் டீசல் MT ரூ. 17 லட்சத்து 59 ஆயிரம்

2023 கியா செல்டோஸ் HTX 1.5 லிட்டர் டீசல் AT ரூ. 17 லட்சத்து 59 ஆயிரம்

2023 கியா செல்டோஸ் GTX+ 1.5 லிட்டர் டீசல் AT ரூ. 19 லட்சத்து 35 ஆயிரம்

2023 கியா செல்டோஸ் X லைன் 1.5 லிட்டர் டீசல் AT ரூ. 19 லட்சத்து 65 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. 

கியா இந்தியா நிறுவனம் 2023 கியா கரென்ஸ் மாடலை இந்திய சந்தையில் அறிமுகம் செய்தது. புதிய கியா கரென்ஸ் மாடலின் விலை ரூ. 10 லட்சத்து 45 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடலில் வழங்கப்பட்டு இருக்கும் புதிய என்ஜின்கள் பிஎஸ்6 2 புகை விதிகளுக்கு ஏற்ப அப்டேட் செய்யப்பட்டு இருக்கிறது.

புதிய அப்டேட்களுக்கு ஏற்ப கரென்ஸ் மாடல் விலை ரூ. 50 ஆயிரம் வரை அதிகரித்து இருக்கிறது. புதிய கியா கரென்ஸ் மாடல் 1.5 லிட்டர் NA பெட்ரோல் மற்றும் 1.5 லிட்டர் டர்போ பெட்ரோல், 1.5 லிட்டர் டீசல் என்ஜின் ஆப்ஷன்களில் கிடைக்கிறது. புதிய 1.5 லிட்டர் டர்போ பெட்ரோல் என்ஜினுடன் iMT மற்றும் 7 ஸ்பீடு DCT டிரான்ஸ்மிஷனில் கிடைக்கிறது.

டீசல் என்ஜினுடன் iMT யூனிட் வழங்கப்பட்டு இருக்கிறது. இத்துடன் 6 ஸ்பீடு டார்க் கன்வெர்டர் டிரான்ஸ்மிஷன் வழங்கப்பட்டு இருக்கிறது. மற்ற அம்சங்களை பொருத்தவரை கியா கரென்ஸ் மாடலில் 12.5 இன்ச் டிஜிட்டல் இன்ஸ்ட்ரூமெண்ட் கிளஸ்டர் ஸ்டாண்டர்டு அம்சமாக வழங்கப்படுகிறது. இத்துடன் அலெக்சா கனெக்டிவிட்டி, கனெக்டெட் கார் தொழில்நுட்பம் வழங்கப்பட்டு இருக்கிறது.

கியா இந்தியா நிறுவனம் செல்டோஸ் ஃபேஸ்லிஃப்ட் மாடலை அறிமுகம் செய்வதற்கான பணிகளில் ஈடுபட்டு வருகிறது. புதிய செல்டோஸ் மாடல் கடந்த ஆண்டு நவம்பர் மாத வாக்கில் சர்வதேச சந்தையில் அறிமுகம் செய்யப்பட்டது. இந்த நிலையில், 2023 செல்டோஸ் மாடல் இந்தியாவில் டெஸ்டிங் செய்யப்படும் புகைப்படங்கள் வெளியாகி உள்ளது.

2019 வாக்கில் அறிமுகம் செய்யப்பட்ட நிலையில், செல்டோஸ் மாடல் அப்டேட் செய்யப்படுவது இதுவே முதல் முறை ஆகும். புதிய மாடல் ஏற்கனவே சர்வதேச சந்தையில் அறிமுகம் செய்யப்பட்டு விட்ட நிலையில், இந்த எஸ்யுவி வெளிப்புற ஸ்டைலிங்கில் மாற்றங்களை பெற்று இருக்கிறது. 2023 மாடலில் சிக்னேச்சர் டைகர் நோஸ், எல்இடி ஹெட்லேம்ப் கிளஸ்டர்கள், முன்புற கிரில் பகுதியில் டிஆர்எல்கள் உள்ளன.

இத்துடன் டூயல் டோன் சில்வர் மற்றும் பிளாக் ஃபினிஷ் செய்யப்பட்ட அலாய் வீல்கள், ரிடிசைன் செய்யப்பட்ட டெயில் லேம்ப்கள், இலுமினேட் செய்யப்பட்ட லைட் ஸ்டிரைப் டெயில்கேட் முழுக்க இடம்பெற்று இருக்கிறது. கேபினுள் இன்ஸ்ட்ரூமெண்ட் கிளஸ்டர் மற்றும் இன்ஃபோடெயின்மெண்ட் சிஸ்டம் எவ்வித மாற்றங்களையும் பெறவில்லை.

பவர்டிரெயினை பொருத்தவரை 2023 செல்டோஸ் மாடலில் தற்போதைய வெர்ஷனில் உள்ளதை போன்றே 1.5 லிட்டர் பெட்ரோல் மற்றும் 1.5 லிட்டர் டீசல் என்ஜின்கள் வழங்கப்படும் என தெரிகிறது. இவை புதிய RDE மற்றும் BS6 2 புகை விதிகளுக்கு பொருந்தும் வகையில் அப்டேட் செய்யப்பட்டு இருக்கும். இரு என்ஜின்களுடன் மேனுவல் மற்றும் ஆட்டோமேடிக் கியர்பாக்ஸ் வழங்கப்படுகிறது.

வரும் மாதங்களில் 2023 கியா செல்டோஸ் அறிமுகம் செய்யப்பட இருக்கும் நிலையில், இந்த மாடல் மாருதி சுசுகி கிராண்ட் விட்டாரா, டொயோட்டா அர்பன் குரூயிசர் ஹைரைடர், ஃபோக்ஸ்வேகன் டைகுன், எம்ஜி ஆஸ்டர், ஸ்கோடா குஷக் மற்றும் ஹூண்டாய் கிரெட்டா போன்ற மாடல்களுக்கு போட்டியாக அமையும். 

Photo Courtesy: Rushlane

கியா செல்டோஸ் எஸ்யுவி மாடல் விரைவில் ஃபேஸ்லிஃப்ட் செய்யப்பட இருக்கிறது. இந்திய சந்தையில் இந்த ஆண்டு மத்தியில் அறிமுகம் செய்யப்படும் என தகவல்கள் வெளியாகி வருகின்றன. முன்னதாக 2022 ஜூன் மாத வாக்கில் கியா செல்டோஸ் ஃபேஸ்லிஃப்ட் மாடல் சர்வதேச சந்தையில் அறிமுகம் செய்யப்பட்டது. வெளியீட்டிற்கு முன் இந்த கார் இந்தியாவில் சோதனை செய்யப்படும் படங்கள் வெளியாகி வருகின்றன.

புதிய கியா செல்டோஸ் ஃபேஸ்லிஃப்ட் மாடலில் 160 ஹெச்பி பவர், 253 நியூட்டன் மீட்டர் டார்க் இழுவிசையை வெளிப்படுத்தும் 1.5 லிட்டர் டர்போ பெட்ரோல் என்ஜின் வழங்கப்படுகிறது. தற்போது விற்பனை செய்யப்படும் மாடலில் உள்ள 1.4 லிட்டர் டர்போ பெட்ரோல் என்ஜின் 140 ஹெச்பி பவர், 242 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 7 ஸ்பீடு டிசிடி, 6 ஸ்பீடு மேனுவல் டிரான்ஸ்மிஷன் வழங்கப்பட்டு இருக்கிறது.

ஃபேஸ்லிஃப்ட் மாடல் என்ற வகையில், செல்டோஸ் மாடலில் ரிடிசைன் செய்யப்பட்ட கிரில், முன்புற ஹெட்லேம்ப்கள், எல்இடி டேடைம் ரன்னிங் லைட்கள் வழங்கப்படும் என தெரிகிறது. இத்துடன் அலாய் வீல்களில் புது டிசைனை எதிர்பார்க்கலாம். காரின் பின்புறம் டெயில் லேம்ப் மற்றும் எல்இடி லைட் பார் ஒன்றாக இணைக்கப்பட்டு இருக்கும் என்றும் இதன் மத்தியில் கியா பேட்ஜ் இடம்பெற்று இருக்கும் என தெரிகிறது.

இந்திய சந்தையில் கியா செல்டோஸ் ஃபேஸ்லிஃப்ட் மாடல் டொயோட்டா அர்பன் குரூயிசர் ஹைரைடர், மாருதி சுசுகி கிராண்ட் விட்டாரா மற்றும் ஹூண்டாய் கிரெட்டா போன்ற மாடல்களுக்கு போட்டியாக அமைகிறது.

கியா இந்தியா நிறுவனம் தனது EV9 கான்செப்ட் எலெக்ட்ரிக் எஸ்யுவி மாடலை ஆட்டோ எக்ஸ்போ 2023 நிகழ்வில் அறிமுகம் செய்தது. முற்றிலும் புதிய கியா கார்னிவல் மாடலுடன் இந்த எலெக்ட்ரிக் எஸ்யுவி மாடல் காட்சிக்கு வைக்கப்பட்டது. 2024 இறுதியில் கியா EV9 கான்செப்ட் உற்பத்தி பணிகள் துவங்கும் என தகவல்கள் வெளியாகி வருகின்றன.

முன்னதாக 2021 லாஸ் ஏஞ்சல்ஸ் மோட்டார் விழாவில் கியா EV9 கான்செப்ட் முதன் முதலாக காட்சிக்கு வைக்கப்பட்டது. இந்த எலெக்ட்ரிக் எஸ்யுவி மாடல் கியா பிராண்டின் E-GMP பிளாட்ஃபார்மை சார்ந்து உருவாக்கப்பட்டு இருக்கிறது. காரின் ஒட்டுமொத்த தோற்றம் பிரமாண்டமாக காட்சியளிக்கும் போதிலும், இதன் டிசைன் ஏரோடைனமிக் அம்சங்களை கொண்டிருக்கிறது.

வெளிப்புறம் இந்த காரில் கிளாம்ஷெல் பொனெட், பிலான்க்டு-ஆஃப் டைகர் நோஸ் கிரில், டாட் பேட்டன் ஹெட்லேம்ப்கள், L வடிவ டிஆர்எல்-கள், காண்டிராஸ்ட் நிற ஃபௌக்ஸ் ஸ்கிட் பிலேட்கள், பொனெட்டில் ஸ்டிராங் கிரீஸ் வழங்கப்பட்டு இருக்கிறது. காரின் முன்புறம் லைன் மிக தெளிவாக காட்சியளிக்கிறது. கான்செப்ட் மாடல் என்பதால், இதன் பக்கவாட்டில் டோர் ஹேண்டில்கள் காணப்படவில்லை.

இந்த எலெக்ட்ரிக் எஸ்யுவி மாடலில் தடிமனான வீல் ஆர்ச்கள், ஏரோடைனமிக் டிசைன் கொண்ட பெரிய வீல்கள், வழக்கமான ORVM-களுக்கு மாற்றாக கேமரா வழங்கப்பட்டு இருக்கிறது. பின்புறம் நேரான ரூஃப் லைன் இண்டகிரேட் செய்யப்பட்ட ரூஃப் ஸ்பாயிலருடன் இண்டகிரேட் செய்யப்பட்டு இருக்கிறது. இதன் ரியர் குவார்டர் கிளாஸ் மற்றும் விண்ட்ஷீல்டு உள்ளிட்டவை அளவில் பெரியதாக இருக்கிறது.

கியா நிறுவனம் ஏற்கனவே வெளியிட்ட தகவல்களின் படி EV9 கான்செப்ட் மாடல் ப்ரோடக்ஷன் நிலைக்கு தயாராக இருப்பதாகவே தெரிவித்து இருந்தது. இதில் வழங்கப்படும் பேட்டரி முழு சார்ஜ் செய்தால் 450 கிலோமீட்டர் ரேன்ஜ் வழங்கும் என்றும் இதனுடன் ஃபாஸ்ட் சார்ஜிங் வசதி, மணிக்கு 100 கிலோமீட்டர் வேகத்தை ஐந்து நொடிகளுக்குள் எட்டிவிடும் என கூறப்படுகிறது.

கியா இந்தியா நிறுவனம் ஆட்டோ எக்ஸ்போ 2023 நிகழ்வில் புது கார்களை அறிமுகம் செய்ய இருக்கிறது. அடுத்த வாரம் துவங்க இருக்கும் ஆட்டோ எக்ஸ்போ 2023 நிகழ்வில் பத்து புது வாகனங்களை கியா இந்தியா காட்சிக்கு வைக்க இருக்கிறது. இந்த பட்டியலில் கியா மோட்டார்ஸ் சர்வதேச சந்தையில் விற்பனை செய்து வரும் சொரெண்டோ 7 சீட்டர் எஸ்யுவி மாடல் இணைந்திருக்கிறது.

முன்னதாக ஆட்டோ எக்ஸ்போ 2018 நிகழ்வில் கியா சொரெண்டோ மாடலை இந்தியாவில் காட்சிக்கு வைத்திருக்கிறது. இந்தியாவில் காட்சிப்படுத்தப்பட்ட சொரெண்டோ மூன்றாம் தலைமுறை மாடல் ஆகும். தற்போது சர்வதேச சந்தையில் விற்பனை செய்யப்படும் சொரெண்டோ மாடல் அதன் நான்காவது தலைமுறையை சேர்ந்தது. இந்த கார் 2020 வாக்கில் விற்பனைக்கு வந்தது. இந்த மாடல் தான் தற்போது ஆட்டோ எக்ஸ்போ 2023 நிகழ்வில் காட்சிக்கு வைக்கப்பட இருக்கிறது.

கியா சொரெண்டோ மாடலின் வெளிப்புறம் கியாவின் டைகர்-நோஸ் கிரில், 3-பாட் எல்இடி ஹெட்லைட்கள், இண்டகிரேட் செய்யப்பட்ட எல்இடி டிஆர்எல்கள் வழங்கப்பட்டுள்ளன. இத்துடன் அப்ரைட் எஸ்யுவி ஸ்டான்ஸ் மற்றும் ஃபிளேர்டு வீல் ஆர்ச்கள் வழங்கப்பட்டு இருக்கின்றன. பின்புறம் செங்குத்தாக டெயில் லைட் செட்டப் மற்றும் டெயில்கேட் பகுதியில் சொரெண்டோ எழுதப்பட்டுள்ளது.

சொரெண்டோ மாடல் 1.6 லிட்டர் டர்போ பெட்ரோல் ஹைப்ரிட், 1.6 லிட்டர் பிளக்-இன் ஹைப்ரிட், 2.5 லிட்டர் டர்போ பெட்ரோல், 2.2 லிட்டர் டீசல் என நான்கு வித என்ஜின் ஆப்ஷன்களில் கிடைக்கிறது. இத்துடன் 6 ஸ்பீடு மற்றும் 8 ஸ்பீடு ஆட்டோமேடிக் கியர்பாக்ஸ், முன்புற வீல் அல்லது ஆல்-வீல் டிரைவ் செட்டப் உடன் வழங்கப்படுகிறது.

Photo Courtesy: Rushlane

கியா இந்தியா நிறுவனம் புதிய தலைமுறை கார்னிவல் மாடலுக்கான டீசரை வெளியிட்டு உள்ளது. புதிய தலைமுறை கியா கார்னிவல் மாடல் 2023 ஆட்டோ எக்ஸ்போ நிகழ்வில் அறிமுகம் செய்ய இருக்கிறது. தற்போது விற்பனை செய்யப்படும் நான்காம் தலைமுறை கியா கார்னிவல் மாடலுக்கு மாற்றாக புதிய கார்னிவல் மாடல் இருக்கும். இந்த மாடல் ஏற்கனவே நடைபெற்ற பயெனியல் மோட்டார் விழாவில் காட்சிப்படுத்தப்பட்டது.

சர்வதேச சந்தையில் 2020 ஜூன் மாத வாக்கில் அறிமுகம் செய்யப்பட்ட நிலையில், நான்காம் தலைமுறை கியா கார்னிவல் மாடல் டீசர்களில் ஏராளமான அம்சங்கள் தெரியவந்துள்ளது. அதன்படி புதிய காரில், பிரஷ்டு சில்வர் இன்சர்ட்கள், கிரில் பகுதியில் இண்டகிரேட் செய்யப்பட்ட ஹெட்லேம்ப்கள், புதிய செவ்வக வடிவம் கொண்ட ப்ரோஜெக்டர் ஹெட்லேம்ப்கள், இண்டகிரேட் செய்யப்பட்ட எல்இடி டிஆர்எல்கள், டூயல் டோன் அலாய் வீல்கள், பாடி கலர் கிலாடிங், ராப்-அரவுண்ட் 2-பீஸ் எல்இடி டெயில் லைட்கள் வழங்கப்பட்டு இருக்கிறது.

புதிய கியா கார்னிவல் மாடல் சர்வதேச சந்தையின் சில நாடுகளில் KA4 அல்லது செடோனா பெயர்களில் விற்பனை செய்யப்பட்டு வருகிறது. டீசரின் படி புதிய கார்னிவல் மாடல் புளூ நிறம் கொண்டிருக்கும் என்றும் சி பில்லரில் பிரஷ்டு சில்வர் இன்சர்ட்கள், ரூஃப், ORVM-கள், பில்லர் மற்றும் ரூஃப் ரெயில்களில் பிளாக்டு அவுட் அம்சங்கள் வழங்கப்படுகிறது. புதிய டிசைன் மட்டுமின்றி அடுத்த தலைமுறை கியா கார்னிவல் மாடல் சர்வதேச சந்தையில் டூயல் டோன் இண்டீரியர், டூயல் சன்ரூஃப், ADAS, Uvo டெலிமேடிக்ஸ் வழங்கப்படுகிறது.

இத்துடன் வயர்லெஸ் சார்ஜிங், ஹேண்ட்ஸ்-ஃபிரீ பவர்டு டெயில்கேட், ஸ்லைடிங் டோர்கள், 12.3 இன்ச் அளவில் இரண்டு ஸ்கிரீன்கள் (ஒன்று டச் ஸ்கிரீன் இன்ஃபோடெயின்மெண்ட் யூனிட், மற்றொன்று இன்ஸ்ட்ரூமெண்ட் கிளஸ்டர்), 3-ஜோன் கிளைமேட் கண்ட்ரோல், 12-ஸ்பீக்கர் போஸ் மியூசிக் சிஸ்டம் வழங்கப்படுகிறது. இந்த கார் ஏழு, ஒன்பது மற்றும் பதினொரு இருக்கை அமைப்புகளில் கிடைக்கிறது.

கியா இந்தியா நிறுவனம் இந்திய சந்தையில் வேகமாக வளர்ந்து வருகிறது. சமீபத்தில் 2022 ஆண்டு விற்பனையில் 3 லட்சத்து 36 ஆயிரத்து 619 யூனிட்களை பதிவு செய்தது. 2021 ஆண்டுடன் ஒப்பிடும் போது கடந்த ஆண்டு விற்பனை 47.7 சதவீதம் அதிகரித்து இருக்கிறது.

இவற்றில் உள்நாட்டு விற்பனை 2 லட்சத்து 54 ஆயிரத்து 556 யூனிட்கள் அடங்கும். இது முந்தைய விற்பனையை விட 40.1 சதவீதம் அதிகம் ஆகும். 2022 ஆண்டு மட்டும் கியா இந்தியா நிறுவனம் 82 ஆயிரத்து 063 யூனிட்களை விற்பனை செய்துள்ளது. இந்திய சந்தையில் 2019 ஆகஸ்ட் மாத வாக்கில் களமிறங்கிய கியா இந்தியா நிறுவனம் விற்பனையில் எட்டு லட்சம் யூனிட்களை கடந்து அசத்தி உள்ளது.

இதுதவிர டிசம்பர் 2022 மாதத்தில் மட்டும் கியா இந்தியா நிறுவனம் 15 ஆயிரத்து 184 யூனிட்களை விற்பனை செய்து இருக்கிறது. இது வருடாந்திர அடிப்படையில் 94.7 சதவீதம் அதிகம் ஆகும். கடந்த ஆண்டு புது மைல்கல் எட்டியதோடு இந்தியாவில் முன்னணி யுவி ஏற்றுமதியாளர் எனும் பெருமையை கியா இந்தியா எட்டியது. 2022 ஆண்டில் மட்டும் கியா இந்தியா 82 ஆயிரத்து 063 யூனிட்களை ஏற்றுமதி செய்து இருக்கிறது.

உள்நாட்டில் செல்டோஸ் எஸ்யுவி மாடல் இந்திய சந்தையில் அதிகம் விற்பனையாகும் எஸ்யுவி-க்களில் ஒன்றாக இருக்கிறது. இந்த மாடல் ஒரே ஆண்டில் ஒரு லட்சம் யூனிட்கள் எனும் மைல்கல்லை எட்டியது. 2022 ஆண்டில் இந்த எஸ்யுவி மாடல் 1 லட்சத்து 01 ஆயிரத்து 569 யூனிட்கள் விற்பனையாகி இருந்தது. இதைத் தொடர்ந்து சொனெட் மாடல் இதே ஆண்டு 86 ஆயிரத்து 251 யூனிட்கள் விறபனையாகி இருந்தது.

கியா கரென்ஸ் மாடல் கடந்த ஆண்டு 62 ஆயிரத்து 756 யூனிட்கள் விற்பனையாகி இருந்தது. இது இந்திய சந்தையில் அதிகம் விற்பனையாகும் இரண்டாவது பெரிய எம்பிவி மாடல் எனும் பெருமையை பெற்று இருக்கிறது. இதைத் தொடர்ந்து கியா கார்னிவல் மற்றும் கியா EV6 எலெக்ட்ரிக் கார் மாடல்கள் முறையே 3 ஆயிரத்து 550 மற்றும் 430 யூனிட்கள் விற்பனையாகி இருக்கிறது.

கியா இந்தியா நிறுவனம் தனது EV9 கான்செப்ட் மாடலின் டீசரை அதிகாரப்பூர்வ சமூக வலைதள பக்கங்களில் வெளியிட்டு இருக்கிறது. இந்த கான்செப்ட் மாடல் இந்தியாவில் 2023 ஆட்டோ எக்ஸ்போ நிகழ்வில் அறிமுகம் செய்யப்பட இருக்கிறது. புதிய EV9 கான்செப்ட் மட்டுமின்றி கார்னிவல் மற்றும் செல்டோஸ் ஃபேஸ்லிஃப்ட் மாடல்களையும் கியா இந்தியா அறிமுகம் செய்யும் என எதிர்பார்க்கப்படுகிறது.

2021 லாஸ் ஏஞ்சல்ஸ் மோட்டார் விழாவில் முதல் முறையாக காட்சிப்படுத்தப்பட்ட கியா EV9 கான்செப்ட் அந்நிறுவனத்தின் E-GMP பிளாட்ஃபார்மில் உருவாக்கப்பட்டு இருக்கிறது. மேலும் இந்த காரின் ஸ்பை படங்கள் ஏற்கனவே இணையத்தில் வெளியாகி இருக்கிறது. ஸ்பை படங்கள் நர்பர்க்ரிங் அருகே நடத்தப்பட்ட சோதனையின் போது எடுக்கப்பட்டவை ஆகும்.

கியா EV9 கான்செப்ட்-இல் கிலாம்ஷெல் பொனெட், டைகர்-நோஸ் கிரில், காண்டிராஸ்ட் நிற ஃபௌக்ஸ் ஸ்கிட் பிலேட்கள், பானரோமிக் சன்ரூஃப், காரை சுற்றி கிலாடிங், செங்குத்தாக பொருத்தப்பட்ட டெயில் லைட்கள், இண்டகிரேட் செய்யப்பட்ட ஸ்பாயிலர் உள்ளிட்டவை வழங்கப்பட்டு இருக்கிறது. உள்புற டேஷ்போர்டில் டிஜிட்டல் இன்ஸ்ட்ரூமெண்டி கன்சோல் மற்றும் தொடுதிரை வசதி கொண்ட இன்ஃபோடெயின்மெண்ட் சிஸ்டம் போன்ற செயல்படும் பெரிய திரை உள்ளது.

இத்துடன் ஹேப்டிக் பட்டன்கள், ஃபுளோடிங் செண்டர் கன்சோல், ஆர்ம்-ரெஸ்ட், ஆம்பியண்ட் லைட்டிங், ஏ பில்லர் மவுண்ட் செய்யப்பட்ட டுவீட்டர்கள் வழங்கப்பட்டுள்ளன. கியா EV9 காரின் ப்ரோடக்‌ஷன் வெர்ஷனில் வழங்கப்படும் பேட்டரி 450 கிலோமீட்டர் வரையிலான ரேன்ஜ் வழங்கும் என கியா நிறுவனம் ஏற்கனவே அறிவித்து இருந்தது.